أكد النجم الدولي محمد صلاح، لاعب المنتخب المصري، ونجم نادي ليفربول الإنجليزي، خلال حواره مع عمرو أديب أن حلم حياته هو الوصول إلى نهائي دوري أبطال أوربا والحصول على البطولة.
فعبر “صلاح” إحساسه خلال الحوار المقرر عرضه على قناة “one” يوم الجمعة الموافق 11 مايو قائلًا “بالنسبة لي ده حلم، بفتكر الطفل الصغير اللي عنده 10 سنين اللي كان بيتفرج على دوري أبطال أوربا في البيت، قاعد على الكنبة وبيتفرج على البطولة دي”.
وتابع صلاح”لما بتشوف الناس في مصر شايفة الموضوع إزاي ده اللي بيوصل لي إحساس مختلف، الناس بتتفرج عليك زي ما أنت كنت بتتفرج في التليفزيون على نجوم كتيرة، فتخيل إنت عندهم واحد من بلدهم قدر يعمل ده، فده أكتر إحساس في الدنيا بيبسطني لما الناس تعلق على حاجة زي كده، إن ده واحد من بلدنا زينا وقدر يعمل ده”.
وتجدر الإشارة إلى أن محمد صلاح يستعد لقيادة فريقه ليفربول لخوض مباراة مهمة ومفصلية أمام فريقه القديم روما في إياب نصف نهائي دوري أبطال أوروبا مساء اليوم الأربعاء.
شاهد الفيديو..