فاجئت الإعلامية ريهام سعيد الإعلامي جابر القرموطي على الهواء مباشرة ، أثناء حلقة الأمس من برنامج “مانشيت” المذاع على قناة النهار، وذلك في أول ظهور لها بعد خروجها من السجن.
وقالت ريهام”محدش يعرف إني جاية ولا قناة النهار، ولا أستاذ جابر، وأول مرة أخرج أقابل حد، وقررت تبقى أنت أول واحد، أنا جيبالك شيكولاته عشان تفرق على الناس، أسفة للسادة المشاهدين على قطع البرنامج، أنا قررت أشكرك عشان لما طلعت اتفرجت على الفيديوهات لاقيت أنت وأنا جوه السجن أتكلمت عني كويس”.
وتابعت ريهام :”أنا كنت مبسوطة أوي بالفيديو ده وقلت الحمد لله جه الوقت اللي عيالي ممكن يلاقوا فيديو حلو عني بعد ما أموت، بدل ما الناس بتقعد تقول عني إني دخيلة على الإعلامي، مع إني معايا ماجستير في الإعلام”.
وقدمت ريهام هدية إلى القرموطي عبارة عن طقم نجلها الصغير “طارق”، والذي كان يرتديه أثناء زيارته لها في السجن، قائلة”أنا كنت بدعي كتير أخرج، وقلت أقدملك الهدية دي عشان الطقم ده غالي عندي أوي”.
شاهد الفيديو..
