بالفيديو| والدة “محمد” ضحية شراء لاب توب من على النت تروي تفاصيل حادث القتل

بالفيديو| والدة “محمد” ضحية شراء لاب توب من على النت تروي تفاصيل حادث القتل

روت والدة محمد أحمد عبد العزيز، الطالب فى كلية الهندسة، الشهير بضحية أوليكس،  ضحية شراء لاب توب من على النت تفاصيل حادث القتل التي تعرض لها نجلها.

فتحدثت والدة “محمد” خلال حوارها مع الإعلامي معتز الدمرداش ببرنامج “آخر النهار” المذاع على قناة “النهار” قائلة “هو طيب، وبيمشي بصفو نية، كان نفسه يشتري كومبيوتر حديث من ساعة ما دخل هندسة، عشان مجال الدراسة بتاعته ومشاريع الكلية، هو كان في سنة ثالثة كلية، لديه أخت، وهو الولد الوحيد، كان نفسه في حاجات كتير”.

وتابعت : طلب مني الكومبيوتر، والظروف مكنتش سامحة وصبر معايا سنيتن عشان الظروف، وبقى يحوش من مصروفه، وقالي يا ماما أنا بتابع على النت وهجمع جهاز، بعدين الأسعار غليت، بعدين لاقيته بيقولي في لاب توب بيتباع على النت ب 25 ألف، وصاحبه قالي قدامك يومين وترد عليا، بعت جزء من الذهب بتاعي عشان نشتري اللاب.

وأضافت : يوم الحادثة محمد كلم صاحب اللاب من الساعة 3 لحد الساعة 8 بالليل، لبس ونزل، وإحنا من سكان القناطر، قالي أنا هقابله عند الشيراتون في مصر الجديدة، وأنا قلبي مكنش مطمن للمشوار عشان بعيد، ومردتش أزعله وأرفض ينزل عشان هو كان حلمه اللاب توب ده مردتش أكسر فرحته، وقولتله ماشي خلي بالك من نفسك، ومتعرفش أي حد أن معاك فلوس، وبعدين راح وحصل اللي حصل”.

شاهد الفيديو…