روت رانيا فهمي، ابنة محافظة قنا صاحبة فيديو التحرش، كواليس الواقعة التي تناولتها وسائل الإعلام ومواقع التواصل الاجتماعي، والتي انتهت إلى حكم قضائي بحبس الشاب لمدة 3 سنوات مع الشغل، وذلك خلال لقاءها مع برنامج مساء dmc.
فكشفت “رانيا” كواليس الواقعة قائلة :أنا بنت عادية نزلت من البيت رايحة أشتري طلبات للبيت زي أي بنت من قنا، وبعدين حصل الموقف اللي اتصور، أنا مسكتش لأني حسيت نفسي قليلة إزاي حد يجي يعمل معايا كده، وإحنا متعودين إننا في الصعيد مفيش الكلام ده، وأتربينا على إننا منسمحش بحاجة زي كده، بدأت أضربه، وبعدين أصوت وأستعين بالناس، وفي الأول رد فعل الناس صدمني.
وتابعت “رانيا”: في واحد جه وقف بيني وبينه بالموتوسكل ، وقعد يقولي خلاص عشان الفضيحة، وكان بيحاول يفض الاشتباك اللي بيني أنا والمتحرش.
وأكملت: بعدين أنا خدت الفيديو وفرغت الفيديو، وقدمته للقسم، والناس اللي في القسم كانوا وقفين معايا، وفي أقل من 24 ساعة مسكوا الولد، واتعرضت لكمية ضغوطات كبيرة جدًا عشان اتنازل على القضية.
شاهد الفيديو…