خلال الساعات الماضية أعلن أبوأحمد الدهراوي “تاجر عقارات وأراضي برأس البر” ترشحه لخوض الانتخابات الرئاسية 2018 لينافس السيسي وخالد علي على كرسي الرئاسة، مشيرا أنه بدأ في عمل «البنرات» التي يعلن فيها عن عزمه دخول سباق الرئاسة.
وصرح أبو أحمد لأحدى الجرائد الرسمية أنه سيدشن حملته الإعلامية الأسبوع القادم خلال مؤتمر بمكتبه، حيث قال:”هي جت كده بقه، المهم إني هرشح نفسي، ورجالتي هتبدأ تجمع توكيلات، أنا حبايبي كتير، أنا نازل الانتخابات إن شاء الله”، مضيفا أنه يحظى بحب الناس وأنه يشعر بالناس وطموحاتهم، قائلا:”حتى لو خسرت يكفيني شرف المحاولة”.
وأوضح أنه لا ينتمي لأي حزب، حيث قال:”أنا مليش انتماءات ومش تبع أحزاب ولا جماعات، والناس اللي بتحبني هي اللي طلبت مني أترشح، عشان كده أعلنت ده على صفحتي على فيس بوك لحد ما أعمل مؤتمر صحفي كبير وأعلن ده قدام الدنيا كلها، وبدأت فعلا أعمل اللافتات وهعلقها في كل مكان، عشان ابتدي في عمل التوكيلات المطلوبة في الشهر العقاري، وإن شاء الله هنظبط الدنيا”، واختتم حديثه قائلا:”نا أبوأحمد بتاع الغلابة”.
