علق الإعلامي جابر القرموطي، على تسريبات “نيويورك تايمز”، و”قناة مكملين” التي أذاعت تسريبات لمكالمة هاتفية بين ضابط المخابرات وبين القرموطي بشأن اليمن.
فرد القرموطي خلال برنامج “آخر النهار”، المذاع على فضائية “النهار” قائلًا “مفيش حاجة اسمها تعليمات وتوجيهات وعمر مجالى توجيهات من تليفونات، وإن حدث فهو تاج على رأسى”.
وتابع القرموطي “أنا عمرى ما هخرج بره بلدى حتى لو هلحس التراب، وعمرى مهلجأ للمنافقين والأفاقين أياكم وهز الثقة فى مؤسسات الدولة المصرية، الضرب فى الأجهزة السيادية للدولة لصالح مين ؟، لازم كل واحد يفهم دوره فى المنظومة العامة للبلد”.
وأكمل القرموطي “اتجاهى ودورى أنا منوط به ومسئول عنه من وقت عملى فى هذه المهنة و لا يضرنى إنى أمشى من المشهد العام، أنا يكفينى فخرا إنى مصرى وعايش فى هذا البلد أرجوكم خففوا على نفسكم الهلع اللى بتنشره القنوات الإخوانية المموله”.
وأضاف القرموطي”مفيش حد من القنوات المموله معتدل بل بالعكس هناك استهداف واضح لمصر من قبل بعض القنوات المعادية، المسئول لما يتعاون مع الدولة دلوقتى بقت تهمة، ايه الضرر اللى هيوقع عليا لما استشير وأنسق مع أجهزة بعينها حريصة على الأمن القومى وما يضرنى فى ده”.
