بالصور صفحة أسف ياريس تهاجم “إضراب الأطباء” وتتهمهم بالإنتماء للإخوان و6 إبريل

بالصور صفحة أسف ياريس تهاجم “إضراب الأطباء” وتتهمهم بالإنتماء للإخوان و6 إبريل

هاجم رواد صفحة “أنا أسف ياريس” على فيس بوك، تظاهرات أطباء اليوم ضمن إضراب الأطباء الذي طالبت به نقابة الأطباء بمصر نتيجة الاعتداء على عدة أطباء في أماكن مختلفة حول الجمهورية، الصفحة المعروف عنها دعمها للرئيس المخلوع حسني مبارك، قامت بمهاجمة أطباء مصر في إضراب اليوم، وأدعت أنها إضرابات مشبوهة ويدعمها جماعة الإخوان المسلمون، وحزب 6 أبريل وجماعات متطرفة أخرى.

جاء ذلك خلال تدوينة قام بإضافاتها أحد أصحاب الصفحة، جاء فيها مهاجمة لنقابة الأطباء التي وافقت للأطباء على القيام بمظاهرة وتعطيل المرور ومؤسسات الدولة من أجل موقف حدث بين أمين شرطة وطبيب، وقالت أن المرضى في المستشفيات الآن عليهم اتخاذ رد فعل أيضا ضد الأطباء، وجاء في نص التدوينة التالي:

“لو نقابة الأطباء شايفة أنه من حقها أنها تنزل فى الشارع بالآلاف وتخترق قانون التظاهر وتعطل المرور عشان تعبر عن غضبها من حادث فردى بين أمين شرطة ودكتور، إذا فالناس المريضة دلوقتى اللى حضراتكم سايبنهم فى العيادات والمستشفيات بدون دكاترة هما كمان من حقهم يعملوا فيكم أية؟، لو الأطباء نفسهم شايفين أنه من حقهم أنهم ينزلوا يتظاهروا ويعملوا إضراب عشان مشكلة فردية مع شرطى أخطأ، فالناس اللى أنتو نسيتوا فى بطنهم الفوط والمقصات، واللى أنتوا قتلتوهم وسببتولهم العمى بإهمالكوا، دول بقى هما كمان أهاليهم يعملوا فيكوا إيه؟”

لو أنت كدكتور شايف أنك نازل عشان تتظاهر وتعبر عن غضبك عشان مشكلة فردية مع فرد شرطة أخطأ، أمال حضرتك رافع صور محبوسين من الإخوان ليه؟، لو حضرتك شايف أن نزولك ده مجرد تعبير عن الرأى والغضب ملوش أهداف سياسية تانية، يبقى اشمعنا قناة الجزيرة بتنقل مظاهراتك واشمعنا صفحات الإخوان وأعضاء 6 أبريل كلهم متضامنين معاك ونازلين يتظاهروا جنبك؟، لو أنت شايف أن من حقك تثور وتغضب عشان حادث فردى بين دكتور وأمين شرطة، يبقى الناس اللى بتطردوهم وبتسبوهم من غير علاج فى المستشفيات عشان ممعهمش حق الكشف يعملوا هما كمان فيكوا إيه؟”.

شاهد نص رسالة صفحة أسف ياريس مهاجمة إضراب الأطباء:

أسف ياريس وإضراب الأطباء