معالجة انتفاخ واحمرار العين

معالجة انتفاخ واحمرار العين

ممكن بعض البنات تواجه انتفاخ العين من قلة النوم أو الإرهاق والتوتر وكمان القعدة قدام الكمبيوتر كتير وتركيز الضوء على العين مدة طويلة  وكمان ممكن يكون السبب التهابات من أشعة الشمس أو من الأتربة في الجو وساعات بيصاحب انتفاخ العين احمرار في العين وبالتالي شعور اى بنوتة بالألم ولعلاج انتفاخ واحمرار العين هاتى قطعة شاش وحطي جواها حتة خبز ( عيش ) مغموسة في لبن وشوية زيت لوز واعمليها كضمادة فوق العينين وانتى مغمضة لمدة 10 دقايق .

علاج احمرار العين

ممكن تعالجي احمرار وانتفاخ العين باستعمال شرائح الخيار ككمادات وتبدلي كل شوية بين الشرائح بمعنى تحطي شريحة خيار لمدة دقايق وبعدين تشليها وتحطي غيرها زى الكمادات بالظبط وكلنا عارفين فوائد الخيار للبشرة ونقدر نستعمله في وصفات وماسكات كتير جدا مفيدة للبشرة ومغذية ليها وكمان ممكن نستعمل الخيار لتنظيف البشرة بشطف الوجه بعصير الخيار ، وكمادات شرائح الخيار مفيدة جدا لإزالة انتفاخ واحمرار العين الناتج عن الإجهاد والإرهاق .