الأسعار الجديدة و النهائية للأنترنت في مصر “تعرف عليها الآن”
أسعار الأنترنت

بعد أجتماع شباب ثورة الأنترنت في مصر اليوم، بوزير الاتصالات وتكنولوجيا المعلومات، خالد نجم، وذلك لمناقشة مطالبهم بتخفيض أسعار الأنترنت في مصر، وزيادة السرعات الحالية، والذي سبق وان أشار أليها بالأسعار والأرقام من خلال الصفحة الرسمية لثورة الأنترنت على الفيسبوك، وسبق ,أن عرضناها على حضراتكم، من خلال الرابط التالي:

وبعد الاجتماع اليوم، أعلن أحد مسؤل صفحة ثورة الأنترنت، ويدعى محمد مجدى، أن الاجتماع أسفر عن إلغاء سرعة 512 كيلو بيت، وتحديد سرعة 1 ميجا بسعر 45 جنيها، بينما تم تحديد سرعة 2 ميجا بسعر 95 جنيها، بينما تكون أسعار الاستخدام العادل لسرعة 1 ميجا بيت 75 جيجابيت بدلا من 40 جيجا.

وأكد أن الوزير سيجتمع بشباب ثورة الأنترنت، بعد أسبوعين من الآن، وذلك بعد أن يناقش الأسعار الجديدة مع مسؤلى شركات الأنترنت في مصر.

وعن موعد تطبيق التسعيرة الجديدة للأنترنت في مصر، ستتم بعد الانتهاء تماما من استبدال الأسلاك النحاسية بالفيبر؛ وذلك أستيعاب أكبر طاقة ممكنة.

15573_1149848755031594_1826118065685288129_n

تابعنا على المواقع الاجتماعية ليصلك الجديد أولا بأول

التعليقات

  1. بسم الله الرحمن الرحيم
    مقدمه لسيادتكم//// فرج الله صبحى العبد سعيد////مندوب شرطة سابق////// وانا مسيحى /////اعرض على سيادتكم التالى ///كنت اعمل فى مديرية امن سوهاج بمركز شرطة العسيرات وتمت فى هذه الايام حادثه الكشح منذ بدء تعيينى مما ادى الى اضطهادى فى العمل من خلال النقيب احمد رفعت معاون المباحث فى هذا الوقت وتمت مجازاتى بدون سبب من خلال هذا النقيب مما ادى الى نقلى الى مديرية امن اسوان بوحدة الامن بالمديرية وبعد التهديد والنقل استغل النقيب احمد رفعت معاون المباحث فى هذا الوقت نفوذه فى كل مكان والضغوط من رؤسائى على حتى تم انهاء الخدمة بسبب عدم الصلاحيه خلال فترة الاختبار وهذا غير صحيح ولكن بسبب التحزب والاضطهاد الدينى وبعد قرار وزير الداخلية برجوع افراد الشرطة تقدمت بطلب الى شئون الافراد والى كل مكان ولم يتم الموافقة على طلبى بسبب انهاء الخدمة لعدم الصلاحية خلال فترة الاختبار (وهذا غير صحيح )والرجاء من سيادتكم التكرم بالموافقة على عودتى الى العمل ولسيادتكم جزيل الشكر مقدمة لسيادتكم \فرج الله صبحى العبد ///////01286526903 //////// سوهاج / المراغة / فزارة ////// /////////////////// 0932554447/////// ورقم البطاقة هو (27911132603833) وربنا موجود وانا من عام 2000 حتى الان وتقدمت بطلب الى ديوان المظالم ورقم الطلب هو 5452 وبعد كان الرقم 194371والرجاء المساعدة وربنا موجود ——–هو ممكن سؤال هو فين العدل ——-وارجو ان ترفع الظلم عنى

  2. خلصونا فى اقرب وقت الكلا م كتيروكل مايطول الكلام يكتروقلته احسن بلا شتايم ولااهانات

  3. نصب فى نصب وكلة كلام فارغ الشركات فى مصر اكل عيشها فى كدة اما بالنسبة لنا اذا اردنا ان نغير فيجب عدم الدفع للشركات الا بعد التخفيض المزعم

  4. حرام عليكم ارحمونا من الكذب شويه كل شىء كذب فى مصر حتى الانترنت والله اسوا انترنت على وجه الارض رغم انى كابل الفيبر اللى بيربط العالم كله يمر فى مصر بالخاصه وربنا يخيب ظننا وتصدقوا ولو مره فى الحياه

  5. ثورة الانترنت كان ليها اهداف محددة، اهمهم حاجتين، تعديل السعر بما يتناسب مع دخل المصريين، و الغاء سياسة الاستخدام العادل..
    و هنا بقى احنا وقعنا فى فخ “الامتنان” …
    فخ الامتنان ده هو ببساطة ان حد يدوخك على حاجة من حقك سنين و سنين وراه، و فى الاخر بعد ما تحفا وراه ، يديهالك، بس ياخد منك حاجة فى المقابل! و من كتر مانت مبسوط من الحاجة الاولى، نسيت ان انت اتنصب عليك فى حاجة تانية، بل و انت سعيد كمان و و ممتن مبسوط اوى!!
    3) بعيدا عن السياسة، احنا دايما بنقع فى الخطأ ده! الطلبين من حقى، ظبط الأسعار، و الغى الاستخدام العادل، ميجوش هما بقى يدونا الأولانية، و يشيلو التانية! مش عشان الأولانية مباشرة و حاسين بيها (اننا بندفع كتير) يقومو يوقعونا فى الاستخدام المنيل بنيلة، مش هتحس بيها غير فى نص الشهر، و ساعتها هيبقى اللى حصل حصل، و اللى من حقك بالفعل انت وافقت بإيدك على انه مش من حقك..ملكش كلام تانى.
    4) لو قارنت بين موقفنا دلوقتى و موقفنا ساعتها هتلاقى التالى:
    -حاليا بتدفع كتير، بس اسمك (على الورق على الأقل) معندكش استخدام عادل، و ليك حق، و بتطالب بيه، و اجبرتهم على انهم ياخدو خطوة..
    -ساعتها، هيبقى بتدفع اقل اه، بس ليك جيجات اقل، و ضيعت حقك بالمطالبة فى اى حاجة تانى خلاص! انت مش وافقت؟
    بمعنى أصح، لو طبّلت على اننا هنفضل على نفس الوضع الحالى، و محدش هينفذلنا حاجة، يبقى احنا الكسبانين! و على الأقل لسه فى ايدينا اننا معانا الحق و بنطالب بيه و مساومناش..
    5) للناس اللى مقتنعة انها ممكن (اى رقم من الجيجات) يكفيها فى الشهر اساسا، الفقرة الجاية دى ليكو:
    -للأسف الناس كلها بتحسب الداونلود المباشر من التورنت او الكونسولز او غيره! و مبتحسبش اى حاجة تانية.. حط فى اعتبارك ان كل صفحة جوجل بتفتحها، بتاخد 100 كيلو بايت، كل صفحة فيس بتاخد 320 كيلو، كل رفريش الصفحة دى بتعملو عشان توريك ان فى نوتيفيكيشن جديد، 320 كيلو كمان، كل فيديو بتشوفه و انت معدى على الفيس ادى 10 ميجا، كل صورة 2-3 ميجا..كل فيديو يوتيوب قصير، ادى 30-40 ميجا،كل ماتش اونلاين ادى 10-15 ميجا و كل حلقة انمى بتعملها ستريم او بتحملها ادى 100-150 ميجا!!
    شوف انت بتعمل الكلام ده كام مرة فى اليوم، و كام يوم فى الاسبوع، و كام اسبوع فى الشهر، و حط فوق الكلام ده كله الداونلود المباشر، و ابقى تعالى قوللى انت عامل ايه ساعتها!!
    -حتى لو بمعجزة ما لقيت ان اى رقم معين ممكن يكفيك، الغاء الاستخدام العادل ده حقك، لو انت بتعرف تنام بالليل و انت عارف انك مضحوك عليك، فمعظمنا للأسف مبيعرفش، لو مش هتقول كلمة خير، متقولش خالص!! سيبلنا احنا الطلعة دى أرجوك، هترتاح، و فى الاخر صدقنى انت الكسبان!
    6) يعنى انت عايز تقول ايه؟؟
    عايز اقول (للجروب ده و اى جروب تانى عايز ياخد البوست ده بدون اى تنويه بمكانه الاصلى، و تحت اى اسم) ان كلنا دلوقتى لما نتسأل السؤال: “كام جيجا تكفيك فى الشهر” . نعرف ان ده سؤال ملوش اجابة صح!! مفيش رقم صح، لأن ببساطة الأجابة هى “لا للإستخدام العادل”
    متساومش، متفوتش، ومتاخدش نص حق..و متقبلش انك تنام بالليل غير وانت عارف انك عملت كل اللى تقدر عليه لاخر لحظة..

  6. أنا اصدق فعل القول وليس اصدق قول ان افعل كذا سيبقي كذا ولازم نقدم المشيئة قبل كل شئ حتي نصدق في اقوالنا وافعالنا كلمة (أن شاء الله )

  7. فنكوش جديد من فناكيش السيسى زى مليون وحده سكنية – والعاصمة الجديدة – والعلاج بالكفتة – وقناة السويس رايح جاى – ومسافة السكة – وتمكين الشباب بعربية الخضار – واللمبة الموفرة – ومفيش مفيش مفيش يعنى هتكلوا مصر يعنى وحوالى 40 او 50 مليار دولار دخلوا مصر ومع ذالك رفع الدعم والخ الخ الخ الخ الخ

  8. يارب يكون الكلام بجد وميكونش كلام وخلاص لان الاسعار فى السماء حرام عليكم ارحمونا شوية واتمنا ذالك ان يتم تطبيق هذا الكلام على ارض الواقع واتمنا من الله ان شركة تى داتتا ان تكشف عن الاجهزة الخاصة بها فى السنترالات لتحسن الخدمة لان الاجهزة الموجودة بالسنترالات تحتاج الى صيانة امنا ذالك

  9. استغاثة لكل من وزير الاتصالات ووالجهاز القومى للاتصالات155 والشركة المصرية للاتصالات وفودافون التليفون للارضى0226340711 تم قطع الحرارة عنةيوم25/2/2015 لسبب تغيير الخطوط وبالتالى تم قطع النت وبعد جهود مستميتة ومضنية تم عودة الحرارة للرقم الحديث في25/3/2015 ولم يتم اعادة النت من فودافون وتم ابلاغهم مرارا وتكرارا بالرقم الحديث وفى النهاية ابلغونى انة تم مخاطبة المصرية للاتصالاتلاعادة النت عدة مرات ولا مجيب وطلب منى الاتصال ب155 وعمل شكوي ولذلك قمت بتقديم الشكوى 366607فى29/3/2015الى155وكان ردهم انة سيتم الفحص ازالة اسباب الشكوى والرد علي اما على المحمول او الارضى الحديث الذى ابلغتهم جميعا بهم وذلك خلال 14 يوما وللان حتى 17/4/2015 لم يتم الرد اعادة النت للارضى علما بان مشترك للنت مع فودافون فى 22/11/2014 اى قبل تغيير الخطوط ب4 شهور ومدة التنعاقد سنة على الاقل هل ذلك يرضى ربنا برجاء سرعة الحل والشكر مسبقا جزاكم الة جميعا كل خير

  10. حضرتك يا اللى ببتكلم على الجيجا يا فكيك … الراجل قصده الاستخدام العادل يعنى 1 ميجا اخرك دونلود وكل حاجة 75 جيجا فى الشهر بدلا من 40 جيجا

  11. الكاتب لم يخطىء و لو انى لا اعرفة لكن للتوضيح هو بيتكلم عن سياسة الاستخدام العادل لسرعة 1 ميجا و ان تم رفع كمية الداونلود من 40 حيحا الى 75 جيجا

  12. شكلك انتا اللى مش عارف حاجة الاستخدام العادم هو معدل التحميل والرفع للملفات والتصفح على النت ودى لسرعة 1 ميجا 40 جيجا

  13. نرجو من سيادة الوزير اولا
    ان يرحمنا من تحكم شركة واحدة بالسنترال وتعمل فيا اللى هيا عاوزة ومش عارفين ناخد معها اى اجراء واوعى تقولى الجهاز القومى للاتصالات لانة لا حياة لمن تاندى
    ثانيا النت مقطوع من شهر فبراير وشركة تى اى داتا مش عاوزة تصلح الجهاز حتى اليوم
    اثتغالة لوزير الاتصالات ارحمونا

    1. أنا كمان النت مقطوع عندي من أكتر من شهرين
      وعايز اخرج من عندهم سنترال زفت بولاق بيقولوا لي مافيش غيرها

  14. لو كاتب المقال مش عارف يفرق ما بين الميجا و الجيجا!!
    يبقى ناخد منه معلومة إزاى؟؟
    يا عم الكاتب .. سرعات الإنترنت بالميجا مش بالجيجا
    1024 كيلو بايت = 1 ميجا
    1024 ميجا = 1 جيجا

    من فضلك راجع معلوماتك

    1. شكلك انتا اللى مش عارف حاجة الاستخدام العادم هو معدل التحميل والرفع للملفات والتصفح على النت ودى لسرعة 1 ميجا 40 جيجا

    2. حقيقى يا مستر رفيق أشترك معاك فى رأيك ولا نملك أنا وأنت الا …..ههههههههههه بس كده

    3. هو كاتب صح انت اللى تخلى بالك …..وتحديد سرعة 1 ميجا بسعر 45 جنيها، بينما تم تحديد سرعة 2 ميجا بسعر 95 جنيها، بينما تكون أسعار الاستخدام العادل لسرعة 1 ميجا بيت 75 جيجابيت بدلا من 40 جيجا.

    4. عذرا سيدي لكن صاحب المقال لم يخطئ هو قال ان سرعة الواحد ميجا سيكون الحد الاقصى للتحميل بها خمسة وسبعون جيجا بدلا من اربعون جيجا اي ان السرعة بالميجا ولكن حدود التحميل بالجيجا

    5. انا شايف انه كاتب صح !!! … استخدم الميجا و هو بيتكلم عن سرعة الانترنت … انما استخدم الجيجا و هو بيتكلم عن الDownload Limit فى الاستخدام العادل

    6. انا شايف انه كاتب صح !!! … استخدم الميجا و هو بيتكلم عن سرعة الانترنت … انما استخدم الجيجا و هو بيتكلم عن الDownload Limit فى الستخدام العادل

    7. المقال صح 100% اللي با لجيجا ده سعت التحميل يا استاذي الفاضل Download Capacity او اللي بنسميها الكوته

    8. هو يقصد الواحد ميجا سوف يحدد له تحميل (دوانلود) 80 جيجا بدلا من 40 جيجا زى نظام طلقة

    9. انا مش شايف اي خطأ في المقال اقرا انت وافهم كويس المكتوب فين السرعه بالجيجا اللي بتتكلم عنها اذا كان قصدك علي ال75 بدلا من 40 فدا مقصود بيه كميه الجيجات اللي بتاخدهم في الاستخدام العادل ولا ايه

    10. هو مش أنا اللى كاتب المقال بس مش عارف فين الغلط فى اللى مكتوب كل السرعات مكتوبة بالميجا طبيعى وسعة الداونلود بالجيجا. فين الغلط ؟

اترك تعليقاً

لن يتم نشر عنوان بريدك الإلكتروني.