التموين تعلن عن مفاجأة جديدة “بطاقة تموين لكل مواطن”
وزير التموين

أعلنت وزارة التموين اليوم مفاجأة جديدة للمواطنين علي لسان المتحدث الرسمي باسم وزارة التموين “محمود دياب”، حيث أكد دياب نية الوزارة في تطبيق قرار جديد من وزير التموين وهو استخراج بطاقة تمون خاصة لكل فرد من أفراد الأسرة، وذلك علي الحساب المخصص لكل أسرة كاملة.

وقال دياب في خلال تصريحاته علي قناة الحياة، في برنامج الحياة اليوم، أن الغرض وراء هذا القرار من وزير التموين جاء رغبة من الوزارة من الاستفادة الكاملة لجميع أفراد الأسرة في حال سفرهم وتنقلهم من مكان إقامتهم إلي أي مكان أخر، وقال أن البطاقة الجديدة سوف تساعد كل فرد في الأسرة علي صرف السلع التموينية الخاصة به منفردا من أي محافظة في حال سفره أو تواجده بعيدا عن الأسرة لأي ظروف خاصة.

وأكد دياب أن هذا الاقتراح وجد ترحيبا كبيرا من الجهات المختصة ومن وزير التموين، وأيضا من كثير من المواطنين الذين تم أخذ آراءهم في أستفتاء، وأيضا أصحاب المحال التجارية الذين يقومون بصرف السلع التموينية.

حول موعد تطبيق هذه المنظومة الجديدة، قال أنه سوف يتم تطبيق هذا القرار بعد أن تنتهي الوزارة من تطبيق منظومة الخبر في محافظات الجمهورية، وبعدها سوف يتم تطبيق هذه المنظومة بالتدريج تباعا في جميع المحافظات.

وحول منظومة الخبز أكد دياب أنه تم الانتهاء من تطبيقها في 20 محافظة، وتبقت عدة محافظات ومنها قنا وسوهاج الأقصر وأسوان، وسوف يتم تطبيق المنظومة يوم الأحد القادم في المحافظات المتبقية.

تابعنا على المواقع الاجتماعية ليصلك الجديد أولا بأول

التعليقات

  1. انا ثروت احمد محمود انا عواز البطاقه مافيش تموين من 2 سنه ياسيادة الوزير ارجوك بلله عليك

  2. انا البطاقة الذكية لسة مطلعتش من شهر 1 ومعى البطاقة الورقية ب 5 افراد وباخذ 10 ارغيفة بس مخبز حسن احمد حسن فى المنيب

  3. انا البطاقة الذكية من شهر 1 لسة لحد دلوقتي مطلعتش واحنا 5 افراد ومعى البطاقة الورقية وبصرف 10 ارغيفة بس كل يوم من مخبز حسن احمد حسن المنيب ارجو الرد

  4. يا سيادة الوزير انا مصريه واسكن فى ملوى محافظة المنيا ومتزوجة منذ 22 عاما وانجبت 2 من الابناء وتم اضافتهم على بطاقه الاب وبالنسبه ليا ماليش بطاقه تموين ومش عارفه اضيف نفسى على بطاقة زوجى حتى الان وذهبت للمكتب التابعه اليه والموظف الى موجود هناك رفض اضافتى وقال لى اسمك ايه قولت له مريم حنا جرجس قال لى مسيحية مالكيش بطايق روحى وماتجيش هنا تانى وذهبت له عدة مرات لانى للاسف الموضوع فى ايده هو وتقدمت بشكاوى كثيره جدا لسيادتكم وللاسف يبقى الحال على ما هو عليه وانا فى اشد الاحتياج لفردى فى بطاقة زوجى لكونى مصريه وده حقى ارجو الاهتمام يا سيادة الوزير

  5. ياريت زي البطاقة الشخصية بطاقة التموين هنستفيد منها أكتر من البطاقة الشخصية

  6. ياريت يتم تحديث البطاقة تلقائيا من المكاتب المسئوله بذلك انا عايشة بمحافظة اخرى ولا استطيع السفر لمكتب التموين لتحديثها ولا من اى مكان بالضبط ياريت كله يشوف شغلة وتظبطوا من عندكم كل حاجة دة سلبيات للبطاقة والواحد بيراعى مريض ولا يستطيع السفر ولا اخد فرق نقط العيش بسبب ذلك ولا مرة وياريت الصرف من اى مكان بالمحافظات وليس تبع المكتب علشان الى عندة ظروفة التى لاتسمح للطوابير والسفر ارحمونا وسهلوا علينا مش الواحد يلف حول نفسة انا والدتى عندها جلطة محدش بيراعيها غيرى راعوا ظروف الناس وسهلوا علينا وعمموا مش لازم ورق ووجع فلب وطوابير

  7. معالي الوزير في رأى ورأى كثير من الناس أن تكون هذه المنظومة الدعم دعم مادي وليس سلعة كما في الدول الأوروبية وهذا يكون الأفضل ويكون عن طريق الفيزة وتصرف من خلال البنوك أتمنى يطبق ذالك

  8. ياريت لكل مواطن معه بطاقه رقم قومي بطاقه منفصله … لما هو نلاحظه من وفيات أو سفر خارج البلاد لمده طويله ويتم حرمان باقي افراد الاسره والتي تعتبر مكلومه .. الخ ، سيدي ان كانت البلاد بها اعمال كافيه وتحقيق مطالب الاسره ليستمر في بلده دون ان يترك اسرته وهو مايطلبه كل مواطن شريف ياريت يتم عملها

  9. هي ناقصة ياوزير هو الناس عارفة تطلع البطاقة وتضيف اللي معاها لما هتخليهم يعملوا كل واحد لوحده
    طب لو راجل كبير او طفل
    ياوزير بلاش غباوة الله يهديك

  10. لحد دلوقتى لم نستخرج البطاقة الذكية وعايشين بالورقية رغم اننا عملنا كل اجراتها وليه اكثر من 6 شهور وحتىى الان لم تاتى رجاء المساعده عشان العيش بس مكتب تموين النيرة الغربية امبابه

  11. لو ممكن قبل ما تعملو بطاقه لكل مواطن وتكلفوا الدوله مصاريف كارت ذكي وبرمجته وطباعته وتصميمه قوموا بتوفير السلع التموينيه أولا فلدينا في الزقازيق لا يوجد زيت نهائيا ولا أرز ولا يوجد أنابيب إلا في السوق السوداء بـ 50 جنيه فياريت قبل ما تعملوا بطاقه لكل مواطن قوموا أولا بتوفير السلع وللإستدلال على كلامي إسألوا أهالي حي الحسينيه التابع لقسم أول الزقازيق وهتعرفوا إن انا مش كاذب في كلامي … وشكرا

  12. رائع بس يا ترى سيادة الوزير :
    هل مشاكل إصدار البطاقة الذكية كلها تم حلها جميعها ؟
    وياترى تكلفة اصدار البطاقة المزعومة تبلغ كام ؟
    هل هناك حاجة ملحة لإصدارها ؟
    ظروفنا الحالية تسمح بذلك ؟
    كم شخص مستفيد من ذلك ؟
    مالعائد ؟
    هل تم حل مشاكل المواطن البسيط فيما يخص الحصول على السلع الأساسية بسعر مناسب؟
    التوقيع
    مواطن بسيط

  13. بس تبقى تطلع البطاقة الاول وبعدين الجديد هانشوف امتى انا بقالى اربع سنين ونصف والله العظيم علشان انقل البطاقة من القاهرة الى الاسكندرية ولسة لحد دلوقتى كل شوية اعمل ورق ويضيعوة واعملة تانى اخر المطاف اليومين دول بيقولولى هانت هاتطلع قريب وياريت التعليق مايتحذفش ويتنشر

  14. دي اللعبه الجديد انا رحت للبقال علشان اصرف التموين قلي لما تخلص الورق وطبعا الورق هيخلص في شهر وده طبعا حال كل الناس شوف لما ميصرفوش في شهر لكل فرد حقه الي هيه 15 جنيه شوف هيوفرو كام مليون لعبه معروفه

  15. خليها ذى ماهيا جماعية علشان هنروح تعدل هتجيب ورق من تانى ونقف طابور تانى وناخد اجازة من الشغل تانى

    1. الناس استقرت علي البطاقة العائلية … ايه لزوم كل واحد يروح يجيب تموينه لواحده … الكلام ده تهريج وما فيش حد موافق عليه … الناس طلع عينها عقبال ما طلعوا البطاقة التموينية … حا نرجع من الاءول وكل واح يطلع بطاقة …. الحطاية دي فيها شيء غلط … الخلاصة لا نوافق علي هذا …..لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا

  16. انا مواطن لى بطاقة تموين وزوجتى مواليد 1987 وغير مضافه على التموين ( سواقط )
    الرجاء من سيادتكم اضافة مواليد 1987 لانهم غير مسجلين على التموين فما الموقف من صرف الخبز هل لهم الحق فى صرف الخبز والانابيب؟

  17. طب مش لما كروت الاول للى لهم بطاقة يبقوا يعملوا بطاقة لكل فرد انا بقالى 6شهور بصرف بورقة من البريد وكل لما اروح اسأل على الكارت يكتبلى لا جديد وطبعا ما بصرفش عيش وحلنى بقاااااااااااا لما يجى الكارت

  18. يا سيادة الوزير عايزين اضافة الموليد الى وعدتونا بيها الاول قبل اقتراحك العبقرى

  19. الاول يتعمل البطاقات التموينية للسجل العام والوافدين للاسره وبعد كده لكل فرد في الاسره ….

  20. العمل على تطوير مكاتب التموين أولا لأن الأسلوب والمكان الموجود به مكتب التموين ** باب مكتب التموين حديد وبه فتحة صغيرة للتعامل مع المواطنين اللى جوه مش همه حاجة واللى بره ينفلق ويتخانق وزحمة فى الطابور** فالرجاء تطوير المكاتب كمثل البنوك مكان واسع ومكان للإنتظار ورقم لكل مواطن هكذا يبقى افضل ياسيادة الوزير المحترم

  21. قرار كويس
    بس المشكلة ان تاجر التموين بياخد 3 جنيه ضرب البطاقة بالماكينة
    فهل هياخد 3 جنية عن كل فرد ولا العيلة كلها

  22. طيب حضرتك هتستخرج بطاقة لكل فرد طيب مش لما يتم تحويل كافة البطاقات الرقية الي ذكية الاول انا بطاقتي ورقية من 2011 ولا هوه سمك لبن تمر هندي

  23. عايزين السرعه فى صرف الانبوبه على البطاقه التمونيه لمحاربة السوق السوداء والحد من غلائها فى كل المحافظات _ (بورسعيد) وشكرا على مجهوداتكو

  24. انا بقالي عامين باصرف من غير بطاقة باصرف بالدفتر وعملت حوالة من مكتب البريد ولم تصدر بطاقة لي حتي الان ارجو الافادة

  25. فكره رائعه وهتخلي موزع التموين يقلب عيشه كمان سرقه رسمي ياعمنا بتوع التموين بيقلبوا المواطنين علي كل بطاقه 3 جنيه يعني لو واحد معاه 4 ابناء كده هاياخود 16 جنيه بدل 4 ومش عاوزينهم يوافقوا …طب نزلوا انبابيب البوتاجاز الاول شكل العيش بنفس الطريقه ….وعشان تنفذوا القرار ده الغوا الفلوس اللي بتدفع في موزع التموين دي سرقه رسمي ومتقدرش تقوله لا

  26. ياريت سيدى الوزير تحل مشكله تنشيط البطاقات اولا الذى نعانى منها الكثير احيانا لم نصرف العيش اكثر من خمسه عشر يوما فى الشهر لعد م تنشيط البطاقه ونقف فى طوابير امام مكاتب الشركه المتخصه بالتنشيط وكذلك لم نستطيع صرف فرق العيش الا بتنشيط البطاقه كل شهر واحيانا بعد التنشيط لم تعمل البطاقه وننشطها مره ثانيه يكون العشره ايام الاول من الشهر انتهت ويروح علينا فرق العيش والله حرام اللى بيحصل ده

  27. قرار بطاقه لكل مواطن قرار سليم وهايل وسوف يوصل الدعم فعلا الى مستحقيه وسوف ياخذ كل ذى حق حقه وياريت سياده الوزير تطبيق منظومه الخبز فى اسيوط من امبارح مش النهارده لاننا بنتعذب ونعانى فى اسيوط من رغيف الخبز وتجبر اصحاب المخابز

  28. سيادة وزير التموين

    تحيه طيبه
    نرجو من سيادتكم تطبيق منظومة العيش في محافظة أسيوط
    ولكم من شعب أسيوط كل الاحترام والتقدير

  29. قرار السيد وزير التموين بخصوص بطاقه لكل غرد فى الاسره قرار جرىء وممتاز ونؤيد تطبيقه

  30. معنى ذلك أن كل طفل مهما صغر سنه لابد من أن يذهب بنفسه لصرف مستحقاته التموينية ويقف أمام البقال ويقول له : حمو والنبى عايز مصاصة وبالونة وشيبسى وشوية بمب ؟

  31. سيادة وزير التموين

    تحيه طيبه
    نرجو من سيادتكم بصرف مستحقات اصحاب جميع المخابز تعانى

    مشكله فى صرف مستحقاتهم

اترك تعليقاً

لن يتم نشر عنوان بريدك الإلكتروني.